لونوا الوشوش

يا طولة بالكم
من امتى والهراء ده شغال
اشي مؤتمرات اشي رحلات اشي مراسم
سرقة عيني عينك
الأفارقة اللي اتشردوا على ايد غيرهم وغيرنا
ملقوش غيرنا يسرقوه
قعدت أسمع الحكاوي من هنا ومن هنا
على أمل أفهم منين نبتت البذرة الخبيثة
لقيتها جت من الضياع والهيام على الوش
ناس بتتكفا على وشها بين الأراضي
ناس ماشية من غير نور يضوي لها طريقها
من غير جذر يثبتها في الأرض
ذاكرتهم تاهت معاهم
غرقت في المحيط
على سفن النخاسة
فاكرين مصر الهلب
مسكوا فيها عشان ميغرقوش
ووصلوا لغادة والي
كانت فاتحة نصباية في المركز
عملت لهم تصاوير وقال ايه حبت تزين بيها المحطات
ووصلوا للجنوب
وبدؤوا يلونوا الوشوش ويتلونوا معاها
بلا خشا ولا حيا
وفيه اللي مشى وراهم يضرب بالدف
ما هو أصل العالمية دي عقدة بشنيطة
بيقولوا عليها عقدة الخواجة
عشان كان فيه واحد خواجة معدي
فخرج كنوز الملك المراهق الذهبي
ومقدرش يعبر بيها البحر
العين الحارسة منعته
وبرضه هتمنعهم
أنا بقى قلت أقول اللي ف ضميري
عشان مخليش في نفسي حاجة لما يؤون الأوان
ودلوقت بقى
اقعدوا بالعافية
كانت معاكم الغلباوية